E kam një huq a një dreq vesi ,
Se dua shumë të të dua .
Ky vend ka qënë “vend tersi “,
Këtu urrejtja shpesh u zgjua .
E shoh liqenin si përkëdhelet .
Valët puthen e shtyhen pastaj .
Malli i vjetër ndizet e kthehet ,
Përbrenda kam puthjet e saj .
Ç’i dua ëndrrat , ç’i dua fjalët ?
Më mirë po hesht si gur pa zë .
Në breg për mua flasin valët ,
Që vinë më sjellin mallin për të .
Shpesh përpëlitej shtratit liqeni ,
Po ne s’kishim e s’flinim gjumë .
Mend e mbaj atë varg refreni :
“Përse të dua dreqi kaq shumë ?”
