NGJYRA VJESHTE
Nisi hapat të hedhë tetori .
Duke puthur ngjyra vjeshte .
Vallë ku është sot piktori ?
Pse poeti rri në heshtje ?
Ngjyrat nisën të përndizen ..
Purpuri i tyre flet .
Vargjet te poeti ngjizen .
Muzën shtegut të vijë pret .
Ja , ku tretet lart një re .
Kthehet në frymarrje vargu .
Dielli shkoi , përtej u fsheh .
Qepallat mbi det i lagu .
Është vjeshtë , hapa tetori .
Natyra ngjyrat po derdh .
Mbi telajo ç’mendon piktori ?
Poeti vargjet pse s’i hedh ?
