Ka kohë që përpëlitem
Të të thërras
Ëndrrave
Të të ndjek gjithësisë
Ta dëgjoj zërin fjalën
Sepse akoma mbaj në vete
Vath në vesh një fjalë testament
E që s’më hiqet as ditë as mote
Ja janarët radhiten vit pas viti
Duhet ta hesht fjalën e matur
Siç ma mësoje ta kem durimin
Sepse ka ditë që nuk më falen ëndrrat
A thua kam gabuar dikund
Mos më thuaj mirë bijë mirë
Ta dish veç zërin kam mall ta kujtoj
Zërin tënd testament
Një zë
Zemër
Ku je
Babë
I Miri
Babilumi im
Golumja jote
