Atje tek lind një frymë
Në kufijtë me një botë tjetër
Në një ishull shpëtimi të orës sime
Kam strukur ëndrra me duar
Duke matur pak diell atdheu
Hijeve që drithërijnë pritje
Do të vij një ditë me një emër
Që ka shkëlqim e frymë
Petale me numra pa fund
E aromë e ngjyra tej joshjes
Dua të hesht se fjalët rëndojnë
Tok me lodrat që shfaqen me gjumin e parë
E nata e gjatë e gjatë
Tek ëndrrat më përkundin
Në djepin e gjithësisë
Zeniti im
Marigona Kelmendi -Zeniti im
TË NGJASHME