Abstrakte…
Mes të perceptueshmes
dhe të pakuptueshmes
Platoni e pohoi sferën e tretë
të takimit të shpirtrave të ajërt
përmes shikimit të mprehtë,syve zhbirues
e depërtimit në brendësi të rrezeve,
në thellësitë e padukshme,
si drita brenda prizmit,
i cili e përthyen i tejngopur
e që jep aq sa merr
për ruajtje të ekuilibrit,
të arketipit të përsosur
brenda të papërsosurës,
ku virtyti brenda frymës
unifikon Njëshin
brenda qiellit që sheh me mijëra sy…
