Një ditë Gjuha Shqipe,
Shpërtheu e mllefosur,
Pse ca shqipfolës,
Më kanë damkosur?!
Kur flasin dhe shkruajnë,
Fjalë të huaja përdorin,
Gjuhën e ëmbël, të lashtë,
Keq po e shpërdorin.
Sa e sa burra t’kombit,
Burra të arbër- dheut,
Mbrojtën me gjak, shqipen,
Që nga koha e Skënderbeut!
Kujdes, kujdes, të gjithë!
Shqipja, fjalë të huaja s’pranon!
Kemi një fjalor të pasur,
Ndryshe, ajo na mallkon.
