Ti lidhi akrepat e orës
Ta ndali kohën
Të jetoj sot pa nesër
Duke të shikuar në sy,
Mos të kalon më asnjë çast.
A ka mundësi
Akrepat e orës ti kthej pas?
Në kohën kur rinim bashkë
Prej aty të vazhdojmë,
Ditët e sotme ti bashkojmë.
Dua të udhëtoj nëpër kohë
Të bëj ndryshime
Kur të vijë e ardhmja
Të përqafuar posi zogj
Momente të këndshme të përjetojmë
Dashurinë ta vërtetojmë.
Botën me lumturi ta mbijetojmë.
Akrepat i lidha
Por, koha nuk ishte ndaluar
Ajo iku
E unë, shoh veten të tjetërsuar.
