Mundin e dekadave
nga thinja koke,
nga rrudha balli,
nga djeg´je malli
sot e vure n´lojë gazi
Pse Gjeneratë
T´përgaztë s´njohin kod tjetër
p´veç mjerimit t´vjetër
Dikush t´shkelë dhimbjen,
dikush t´shkelë bindjen,
e ty … ku t´mbetën parimet
Për t´mbajtur idealin
o duhet t´marrësh malin
o pas të kesh djalin
se t´përgaztë nuk t´falin
Gjeneratë,
dikush t´dha uratë,
dikush t´jep lëngatë
… po ti … pse shtiresh e ngratë
kur (s)je duarthatë
Ah Gjeneratë,
ti dhimbja … bindja … ëndërra ime,
përtej gjysmë shekulli n´vrap
me mundim n´hap
mos kjofsh dëshprim
o uni im
