Të shoh
gjithmonë gjysmë,
kurrë të plotë.
Duhet të jesh njëri
prej vëllezërve siamezë.
Anatomia jote e ndërlikuar,
falë delikatesës time të shfrenuar
azhornojnë takimin tonë.
Në vendin e zakonshëm,
në mes të qytetit
kalon një lum ,
gjysmë i bardhë, gjysmë gri.
lum shtratzi.
Unë dhe një gjysmë vëllai,
ose gjysmë lumi,
bëhemi një.. e gjysmë.
Në këtë orë
të ditës a të natës
fle,
e në ëndërr shoh zhgjëndër.
Anatomia jote është e çuditshme,
Unë
akoma më e çuditshme,
ndoshta pak e çmendur
e pafajshme.
