Ajo ëndërr mos ju zëntë…
Më besoni, ju betohem
Ajo ëndërr, mos ju zëntë
Ndaj dhe nuk desha të zgjohem
Si çoban ,kullosja dhëntë…
Seç mu shfaq ,njëra si zanë
I vura një peng me krabë
Do të lidh i thashë me xanë
Por, më gllabëron si shkabë…
E lam bagëtinë pa zotë
Tek shkuam shigjetë në stanë
Luaneshë…shtrëngonte fort
I ziu, sytë ç’më panë…
Dy lastarë kishte në “sqep”
“Kthetrat” si qumështi pëlhurë
Sytë e njomë , fëmijë në djep
Ngjyrën ,klorofil në grurë.
Kujtoji se gjeti han…
S’la më djathë e s’la më kos
Si lubi, përpin e thanë
S’ngopej dhe më hëngri gjoks…
Si Saharë, ishte e etur..
Nata , sa e shkurtër ngjan !
Flakë vuri , në ç’më kish mbetur ..
“Vetëtimat” dogjën stanë..
