E dashur, m’ ke thënë ti shpesh,
Mos eja pranë meje kaq,
Se unë kam frikë, kur qesh,
Prej syve, dy diej shfaq…
Më rrëmbejnë -the mandej përbrenda
Dhe flaka e tyre zhurit,
Por unë jam kokëfortë edhe renda
Llogjika s’e mund dot një shpirt…
E dashur, më pëshpërisje në vesh,
Largoju një fari si unë,
Kam frikë – the se deti prej nesh
Do skuqet si një paparunë .
I dashur të thashë, je haraq ,
Të kam thënë ,që jam laureshë ,
Çmendurisht më puthe sakaq ,
Dhe humbnim mes pupula resh …
