Kurbeti
Shtëpitë tona ,dikur cerdhe me zogj ,
me djem e vajza , vatrat mbushur plot .
Si kokrrat e rrushit ,që nxihen në degë ,
bijtë morën rrugën ,në tokë e në detë
.
Dikush në Gjermani ,tjetri në Angli
të strukur ,të dridhur ,vetëm ik e ik
Boshatisur rrugët tona ,në fshat e qytet
Vetëm pleqëri ,në fshat e qytet
.
I ranë kokrrat mollës ,mbeti e gjorë ,
po i bien dhe gjethet ,shkretë ai oborr
Hajde pranverë ,ktheu diell e hënë ,
mbushe pragun ,të pret babë e nënë
.
Prindër zemërvrarë ,të heshtur ,pa fjalë
hyjnë e dalin në shtëpi ,pa vajzë e djalë
Njëri numëron tespiet ,tjetri në divan ,
presin e shpresojnë ,pas kafes në filxhan .
