Nëna e kërrusur
rri dhe vështron
kush po e hap derën,
kush po e viziton?!
Ka mbetur e vetmuar
djemtë i ka në kurbet
e mallkon veten
ç’më duhet kjo jetë?
Nëna e mërzitur
çdo ditë mendon
pse s’po më vijnë djemtë
secilën ditë loton?!
Ashtu e plakur
çdo ditë gatuan vetë,
por shpesh mendon
sa e vështirë kjo jetë.
Ditët i kalojnë disi,
por netët e lodhin shumë,
gjithmonë duke menduar
dhe mbetet pa gjumë.
Mallkon vetveten
çka u bë me mua,
që mbeta e vetme
dhe kurrë pa u gëzuar?!
