Ish-mesfushori i Arsenalit, Mesut Ozil, ka dalur së fundmi me një parashikim për fituesit e Premier League dhe Champions League, shkruan Gazeta Metro.
Pavarësisht se Liverpool po i afrohet kreut në Premierligë, Ozil beson se është skuadra e Pep Guardiolës ajo që do të ngrejë titullin e ligës për të dytin sezon radhazi në muajin maj.
Në një postim në Twitter, gjermani i cili aktualisht luan për skuadrën turke Fenerbahce, ndau parashikimet e tij për ndjekësit që ka.
Për titullin e Champions League, Ozil mendon se Liverpool do të jetë fituese dhe do të sigurojë titullin e shtatë si kampion i Europës.
Ai madje foli edhe për Kupën e Botës, duke thënë se beson që Anglia do të jetë fituese.
