Raportohet se Israeli do të nis operacionin e ofensivës tokësor në Gaza brenda 48 orëve të ardhshme, përcjellë Gazeta Metro.
Washington Post ka raportuar se zyrtarët izraelitë i kanë bërë disa kërkesa specifike Uashingtonit në përgjigje të ofensivës ushtarake të Hamasit, duke përfshirë rimbushjen e interceptorëve të Kupolës së Hekurt, bombave me diametër të vogël, municioneve për mitralozë dhe rritjes së bashkëpunimit për shkëmbimin e inteligjencës në lidhje me aktivitetet e mundshme ushtarake në jug të Libanit.
Tutje mediumi amerikan ka thënë se zyrtarët amerikanë presin që qeveria izraelite të nisë një inkursion tokësor në Gaza në 24 deri në 48 orët e ardhshme në atë që ka të ngjarë të shtojë shpejt numrin e të vdekurve në konflikt pasi forcat izraelite hyjnë në Rripin e Gazës me popullsi të dendur.
Sekretari i Shtetit Amerikan, Antony Blinken tha se Izraeli kishte bërë disa kërkesa specifike, por ai nuk pranoi t’i shprehte ato gjatë intervistave në emisionet politike të së dielës.
