SYTË E TU
E trishtuar në shpirt
E heshtur në mendime
Sytë e Tu Erna i shikoj
Si shigjetë helmuese
Thellë në zemër më godasin
E lotët në faqe
Sa shpejt më rrëshqasin
Ishin sy të reklamës
Si yjet afër Hënës
Tani sypërlotur i kanë lënë
Sytë e nënës
Ah, këta sytë e Tu
Sikur duan të më flasin
Këtë zemër timen
Sa shumë po ma plasin
Nga thellësia e tyre
Një zë seç më thotë
Se në këtë pis botë
Nuk duam të shohim dot
Në këtë kohë pa kohë
Mbushur me ndytësira
Në vend të njerëzores
Mbizotëron djallëzia
Për mua sytë e Tu Erna
Ishte e tërë jeta
Në ditët e trishtimit
Me këta sy Erna
E shikoje se po të shuhej shpresa
Duke i shikue këta sy
Unë ngadalë po tretëm
Sikur një qiri
Bashkë me ëndërrime
Që na u shuan
Si gjethet në stuhi.
