Sa dua sot, mallit grykën ti zë
E lotët ti mbledh në një kupë vere,
Zhgënjimit derën mbyllur ti lë
Dashurisë hapur, çelësin pas dere!
Të harroj çdo dhimbje e trishtim
kupën e lotëve në një gllënjkë ta pi
Të shoh veç ngjyra edhe gëzim
Me peng e mërzitje më të mos rri!
Se jeta gënjeshtra paska plot
Shpesh na mashtron, e s’na lë të qetë
Mendjen na merr,se mbledhim dot
Të jesh i drejtë s’qenka e lehtë!
Sa dua këtë mbrëmje të pi ,të dehem
Në yje ëndrrash të fluturoj,
Në krahët e hënës, aty të prehem
të qetësoj shpirtin ,të ëndërroj!
Poezi nga Margarita Llapushi Zeneli
