Me ardhjen e fundit të sezonit, klubet tashmë janë në përfundim të bilanceve të sezonit 2022/2023, mirëpo, “qytetarët” e Manchester City janë ende në “lojë” për të shtuar plot 285 milionë paund në arkat e tyre.
Sipas mediave britanike, në rast se djemtë e teknikut Pep Guardiola do të përsërisnin “tripletën” e famshme të Manchester United, të vitit 1999 atëherë klubi do të “shpërblehej” me shifrën e lartpërmendur.
Fillimisht, në rast fitimi të Premier League, përveç se do të shënohej titulli i 5-të kampion në 6 sezonet e fundit, Manchester City do të fitojë plot 164 milionë paundo bonuse, ashtu siç ndodhi dhe sezonin e kaluar kur “qytetrët” fituan kampionatin në javën e fundit.
Përveç, Premier League, City është në garë gjithashtu dhe për trofeun më të vjetë në planet, FA Cup, ku në rast fitoreje të “derbit të Manchester” në finalen e madhe të 3 qershorit, “blutë” e Mançesterit do të shtonin dhe 3.9 milionë paund të tjera në arkat e tyre.
Mirëpo, nuk janë vetëm këto 2 kompeticioni, pasi Manchester City ka “shansin e artë” për të siguruar finalen e Champions League këtë sezon dhe një triumf në finale, që do të ishte i pari për djemtë e Guardiolas, klubi do të përfitojë plot 117.2 milionë paundë, duke sjellë kështu një “mal” me para përpara merkatos së verës. /i.m /abcnews.al
