Ka lindur më 21 janar 1957 në Tiranë. Pas mbarimit të studimeve për aktor, në Akademinë e Arteve, me 1979, filloi punën si aktor i Teatrit Kombëtar.
Ai ka interpretuar rreth 40 role, nga të cilat veçohen ato në “Prometeu” të Eftimiut, “Në jetë” të Dh. Xhuvanit, “Monserrati” të Roblesit, “Vdekja e një komisioneri” të Milerit, “Nën dritat e skenës”, “Nesër është vonë” dhe “Shkallët” të R. Pulahes, “Nata e dymbëdhjetë” dhe “Romeo e Xhulieta” të Shekspirit, “Fernando Krafi më ka shkruar këtë letër” të Dorstit, me të cilën fiton Çmimin “Aleksandër Moisiu” për Aktorin më të Mirë në Festivalin Kombëtar të Teatrit, të vitit 1995, “Vdekja e Dantonit” të Byhnerit, “Nata e trokitjeve në xhama” të Dh. Anagnostit, “Vdekja dhe virgjëresha” të Dorfmanit, “Portreti i Dorian Greit” të Uajlldit dhe “Kapitulli i Dytë” të Sajmonit me të cilin fiton Çmimin për Aktorin më të Mirë në Festivalin Mbarëkombëtar të Aktrimit, “Apollon 2004”, në Fier.
Që nga viti 1988 është pedagog i jashtëm në Akademinë e Arteve, në Fakultetin e Artit Skenik.
Në vitet ’90 interpreton role protagoniste edhe në produksione të pavarura si “Kujdes! Kafshon…” të Gernit, “Mbretëresha e bukur” të Mc. Donagh, “Nesër nisemi për në parajsë” të T. Dervishit dhe “Tradhti bashkëshortore” të Pinterit.
Ndërsa në Teatrin e Kombësive të Shkupit ka interpretuar në “Mbretin Lir” të Shekspirit.
Aktori i njohur, Ndriçim Xhepa feston sot 67-vjetorin e lindjes
Ndriçim Xhepa
Aktivizohet me sukses në rreth 30 filma, nga të cilët veçohen “Shokët” i K. Çashkut, “Kohë e largët”, “Treni niset në shtatë pa pesë” dhe “Përdhunuesit” të S. Pecanit, “Duaje emrin tënd” dhe “Telefoni i një mëngjesi” të I. Muçajt e K. Mitros, “Hije që mbeten pas” i E. Musliut “Flutura në kabinën time” dhe “Dasma e Sakos” të V. Priftit, “Kthimi i Ushtrisë së Vdekur” i Dhimiter Anagnostit, “Unë e dua Erën” dhe “Porta Eva” të A. Minges, “Plumbi prej plasteline” i A. Minarollit dhe “I dashur Armik” i Gj. Xhuvanit. Aktualisht po xhiron filmin “Lutja e dashurisë”, me regjisor A. Minarolli dhe Y. Aliçka.
Rolet:
Delegacioni – (2018) zyrtari i partisë Spiro
Ada – (2013)
Në kërkim të kujt – (2011) serial Biznesmeni Basri Neziri
Lutjet e dashurisë – Kronikë provinciale (2009)… Zeneli
Lindje, perëndim, lindje – (2008)… trajneri i çiklizmit Ilo Zoto
Sekretet – (2008)… doktori
Eduart – (2006)… babai i Eduartit
Omiros – (2005)… krye-polici
I dashur armik – (2004)… Harun Bonata
Porta Eva – (1999)… David
Kaskadori shqiptar – (1998)
Dasma e Sakos – (1998)
Përdhunuesit – (1995)
Loin des barbares – (1994)… Selmani
Plumbi prej plasteline – (1994)
Pas fasadës – (1992)
Enigma – (1991)
Unë e dua Erën – (1991) (TV)… Genci
Kthimi i ushtrisë së vdekur – (1989) Gjenerali gjerman
Flutura në kabinën time – (1988)… Tomë Melgushi
Treni niset më shtatë pa pesë – (1988)… Astriti
Telefoni i një mëngjesi – (1987)… Neritani
Tri ditë nga një jetë – (1986)… Drini
Hije që mbeten pas- (1985)… Arben Shkaba
Të mos heshtësh – (1985) Ardi
Enveri ynë – 1985
Vendimi – (1984)… Veroniku
Duaje emrin tënd – (1984)… Arsen Çipi
Kohë e largët – (1983)… Piktori Andrea Selca
Shokët – (1982) Genci
Rruga e lirise-1982..Korabi.
*Njeriu i mirë – (1982)… Aleko Terpo
Keshilltaret – 1979… Bejto
