MËSUESJA E FSHATIT
Ç’pret kjo vajzë e mëngjeseve të bardhë
Nën fëshfërimën e fundit të plepit,
Mos vallë të dashurin e saj
Si vajza e valëve në breg të detit.
Kjo vajzë e re me gjallëri rinie
Tani me ëndërrat e mësueses së fshatit
Do futet thellë në zemrën e çdo fëmije
Çdo ditë mëngjeseve do t’i ngjitet malit.
Nga fshati fqinjë pret mësuesin e ri,
Mësuesja e mëngjeseve të bardhë
Dhe ngjiten bashkë lart në malsi
I presin malsorët me fjalën “a ardhtë”.
