NË KUJTIME MË ERDHI NJË THIRRJE
Në kujtime më erdhi një thirrje
Diçka nuk është në rregull
Tërmet i tmerrshëm
Larg teje e kujtimit qoftë
Në qiell vizatohet portreti
Të cilin imagjinata e dëshifron
Me flokë pak të zgjatur
Me gjinj të virgjër
Në brendinë e gjoksit
Si prej një zgafelle
Më erdhi një thirrje
Në zemrën time të zhuritur
Në shpirtin tim të tronditur
Më erdhi një thirrje
Kush thotë
Që moti nuk merr pjesë
Në gëzime dhe hidhërime
Bubullima dhe shiu
Kishin vërshuar qytetin.
.
