Anglia ka shënuar fitore ndaj Italisë, me rezultat 3-1, në kuadër të kualifikimeve për Kampionatin Evropian.
Të parët në epërsi kaluan italianët me anë të Gianluca Scamaccas, në minutën e 15’.
Ndërsa për “Tre Luanët” rezultatin e barazoi Harry Kane, nga penaltia në minutën e 32. Me këtë rezultat u mbyll pjesa e parë.
Në pjesën e dytë, Jude Bellingham dhuroi super asistim për Marcus Rashfordin për golin e epërsisë.
Ndërsa,Kane me një gol në minutën e 77’ e vulosi fitoren e Anglisë.
Anglia pas gjashtë ndeshjeve ka 16 pikë të grumbulluara në vendin e parë, pas gjashtë ndeshjeve, teksa Italia ka 10 pikë në pozitën e tretë.
Ndërkohë, me këtë fitore, “Tre Luanët” e kanë siguruar pjesëmarrjen në Kampionatin Evropian, që do të mbahet në vitin e ardhshëm në Gjermani. /Klankosova.tv.
