Fiorentina zëvendëson bardhezinjtë në kompeticionin 2023-2024
UEFA ka vendosur të përjashtojë Juventusin për një sezon nga kupat e Europës për shkak të parregullsive në bilancet financiare. Bardhezinjtë nuk do të jenë në start të Ligës së Konferencës në sezonin 2023-2024.
Ndaj Juventusit është vendosur edhe një gjobë prej 20 milionë Eurosh, 10 prej të cilave me kusht. Fiorentina zëvendeëson bardhezinjtë dhe rikthehet në kompeticionet e Europës. Skuadra e Allegri pas vendimit të UEFA-s do të përqendrohet tanimë në kampionatin dhe Kupën e Italisë, duke u përpjekur të ndërpresë një seri dyvjeçare pa trofe.
