KUR I PUTHA JUDËT
Kur i putha Judët
Frymën ma përpiu nata
Korb
E me zërin tim
Folën çjerrë sa mundën
Më mashtruan shpirtin ëndrrës
Qiejve të paprekur kurrë
Me fytyrë ëngjëjsh
I kam parë gjithkund
Kamufluar maskash
Ballove të përdalë
Ku kërcehet dhëmbësh
E pambrojtur jam
Kur syve
Perde djallëzie veshin
Mantel zie
Hedhin shpirtrash
Vdekjen
Kulm më kulm kjo botë
Piramidë që majash bie
Askundin pres
Të shkoqis zbrastësinë
Ku haramët
Fryhen brekësh
Judët buzëqeshin
Kur i putha Judët
Ditët ,
Morën turr të pijnë detin
E të shfryjnë
Furtunë mbi mu
Le t’mē mbysin fare
Në mos i mbytsha unë.
