USHTRIA E KOSOVËS
SYTË PORSI SHQIPONJA
TRUPAT PORSI LISI,
LAVDI PËR TË PARIN
KËTË MARSHIM QË NISI!
SA BUKUR U RRIKAN
UNIFORMAT NGJESHUR,
AQ ME BUKUR U RRIKA
EMBLEMA MBI VETULLË!
TRUPIN U HIJESHOKAN
FISHEKËT NDËR GJERDANË,
-NA LINDI NËNË KOSOVA,
KËTU ESHTËRAT DO T’I LAMË!
TRIMA E TRIMËRESHA,
QË MARSHOJMË NE SOT,
I DALIM ZOT KOSOVËS,
NË ÇDO STINË E MOT.
GJAKU I DESHMORËVE,
DRITË NA E BËN DHE TERRIN,
NË ZEMËR NA MBJELL LULËKUQE,
QË ARMIKUT I NDJELLIN FERRIN.
ME ZEMËR ÇELIKU
U KTHYEM DHE NGA VENDET TJERA,
TË ZHDUKIM ÇDO KORB,
QË NA KRROKAT TEK DERA.
KALTËRSINË E QIELLIT
ME SHEKUJ NA E MBULUAN,
BURIMET ME UJË KRISTAL
ME GJAK TONIN KUQLUAN.
NE DRENICË KUQLON ADEMI,
NË LLAP RREZON ZAHIRI,
LAPIDARËT E TYRE
RRIJNË MBUROJË KUFIRI.
LAPIDAR I LUANIT,
NË DUGAGJININ ZEMËRZJARR,
ÇDO MOTRE E ÇDO NËNE,
I SHËRON ÇDO VARRË.
S ‘HARROHET AMANETI
QË NA E LE MOJ NANËLOKE,
TË BËHEMI GRUSHT NË NJË,
KUR T’I DUHEMI KËSAJ TOKE.
