Ata, me tjetër gjuhë
Me tjera zakone
Na patën shkelë vatrat
Këtë tokë stërgjyshore
Me gjuhë të nëpërkës
Na patën kërcënuar:
-Do t’ju zhdukim fare
O racë e mallkuar!
Do t’ju çesim fare
Juve, farë e fëlliqur
E racës shqiptare
E llojit të prishur!
Na patën thënë ata:
-T’gjithëve do t’ju varsim
Të vegjël e të mëdhenj
Me armë do t’ju godasim!
Ata na patën thënë:
-Me babë dhe me nënë
Me fis e me farë
Do t’ju dëbojmë matanë!
Duke na thënë, na shanë
Na prenë dhe na vranë:
-Këtu është djepi ynë përherë
Kjo tokë për ne ka vlerë!
Na goditën pa u patur hakën
Na plagosën dhe na përgjakën
S’patën mëshirë aspak
Fushat na i bënë lumëgjak
Kudo të armatosur
Shëtitën me karvan të krimit
E sytë u xixëllonin
Prej mllefit e zemërimit
Bënë e çfarë nuk bënë
Shkuan në thikë dhe gruan shtatzënë
E vranë dhe të hasretit vëlla
Kudo mbollën hata
Shkatërruan dhe dogjën
Masakruan e poqën
Kullat na i shembën
Na e shtuan dhembjen
Motrat na i dhunuan
Nënat na i poshtëruan
Na i vranë baballarët
Varre na i bënë ugaret
Na përzunë matanë kufijve
Na shpërndanë nëpër botë
Nga vatrat stërgjyshore
Nga kjo tokë arbërore
Por, prapë u ngjall ky
Nga hiri si feniks
Prej pushkëve çlirimtare
Prej zemrave të U Ç K-së
U ngjall Shaban Jashari
Ademi me Hamzanë
Nga kullat e Prekazit
Një porosi hasmit ia dhanë:
-Ju të Karpateve bisha
Vetëm mundoheni kot
Nuk vritet liria
Se ky vend ka zot
Edhe nëse deti shterret
Edhe nëse qielli bie
Kurrë Kosova s’merret
Se zot i dalim ne!
Ushtria Çlirimtare
I qiellit tim- Ylber
Solli rreze lirie
Zhduku terr dhe tmerr
Vargani i lumëgjakut
Këtë tokë që ujiti
U shndërrua në lulëkuqe
Mbretëresha Iliriku
Kur SANDUKANI trim
Biri ikombit tim
U betua në Flamur
Atdheut i premtoi çlirim
Errësira dhe mynxyra
Në rreze lirie u kthye
E trualli ynë i përgjakur
Po vezullon i përflakur
Flamuri kombëtar
Me shqipen dykrenare
Po valon krejt i lirë
Mbi ty, Kosovë Shqiptare
