Në kujtim të një dëshmori
(Profesorit Selim Berisha)
Ti, që me dije dhe guxim përherë u përballe,
Për lirinë dhe drejtësinë, me bishat gjakatare.
Në klasë, fjalët e tua na ngjallnin frymëzim prore,
Në shpirt dhe në zemrat tona, atdhedashuri mbolle.
Në rrugët e historisë, ti je një shenjtar,
I gjithë kombi me ty, sot ndihet krenar.
Krenaria jonë, vazhdon rrënjët të rritet,
Gjaku yt n’flamur, te shqipja valëvitet.
Në qiellin e lirisë fluturon fryma jote,
Si yll shkëlqimtar i asaj epoke.
Në këtë ditë fillimpranvere ty të përkujtojmë,
Me kujtimin tënd, këndojmë dhe festojmë.
Profesori Selim, vlera jonë e përjetshme,
Në historinë tonë, ti je pjesë e pavdekshme.
