BALTA E KUQE
(Kushtuar vendlindjes)
Nese në Kosove çelin bozhure*,
Në vendlindjen time, e kuqe është balta,
Nga gjaku i dedhur në luftra absurde,
Nga përzierja e gjakut me tokën e djegur,
Shumë pak mbeti dhe’, u shndërrua hekur…
Malet Shebenik – Jabllanicë,
U pagëzuan me emrin “Malet e Kuqe”
Mbase është legjendë,
Mbase thjesht gojëdhënë,
Mbase e vërtetë,
Por gjaku i dedhur u dha ngjyrën e vetë!
Diku kam lexuar,
Dhe Shkumbi im është Lumë i Shenjtë!
Nga buron,e nga udhëton,
Gjithë njërëzit e tij i mbronte një Zanë,
Thonë që ajo lindi dhe një dragua,
Sqsa të gjitha gratë pamjen e saj kanë,
Burrat si dragoi mbrojtën çdo pëllëmbë…
Gryka e Shkumbinit ç’bukuri magjike!
Rrit kënga e lumit, sa plisa, aq lisa,
Strehë për arbënorët,
Shekujve përleshur me ushtri armike,
Dhe shkëmbinjtë e lartë u kthyen në topa,
Gjithë ushtarët turq u zhdukën,
I përpiu toka!
Kur turku pushtoi gjithë Arbërinë,
Sulltani urdhëroi: “Digjni Grykë Lumin,
Të mos mbijë më bimë,
Të shkrihen shkëmbinjtë,
Q’racës arbnore, t’i presim fuqinë!”
Nga mesjetë e herëshme,
Kohë pas kohe, merren me pyjet,
Në komunizëm u shpyllëzua me rrënjë,
I zdukën lisat,
Por nuk zdukën plisat,
Brenda gjirit tyre kishin ruajtur farë,
Dhe kohë pas kohe,
Bëhet pyll i madh!
Po ashtu, shqiptarët,
Si lisi i Dodonës rritur mbi Tomorr,
Dhe kur e presim gjer në rrëzë,
Shumë filiza zënë,
Autoktonë jemi,
Kështu kemi qënë!
Nese në Kosove çelin bozhure,
Në vendlindjen time e kuqe është balta,
Nga gjaku i dedhur në luftra absurde,
Nga reaksioni i gjakut me tokën e djegur,
Shumë pak mbeti dhe’, u shndërrua hekur…
*bozhure = lule gjaku qe çelin vetëm në Fushë Kosovë, ku janë bërë dy beteja anti – osmane, ku gjaku me origjinë ilire shkoi gjer në gju të kalit…por hakun e mori Gryka e Shkumbinit nën udhëheqjen e Gjergj Aranitit dhe Skënderbeut…
