e luajtën horën
deri në muzg e më vonë
rojat dhe turma
pinë verë me shtamba
pështynë…
ai në kryq
teksa hante mëkatet e tyre
shmonte:
oh Juda…
klithma e tij shpoi qiellin
horizontet, kohën
po thonë
e pamë në kryq sërish
ofshau
oh Juda…
e pështynë
ndërsa verë pinin
edhe rojat
edhe turma
e luajtën horën
tërmet
siç thonë seizmologët
do të ketë
nyjeve shqiptare
të tokës
siç thonë politikologët
edhe nyjeve të shtetit
madje siç thonë sociologet
do të ketë dridhje sociopatike
nyjeve të shoqërisë
të gjitha parashikimet
pikën kryq e tërthor
sa ajri, uji dhe gjaku
janë kontaminuar
me mbidozë si rrëmeti
që grryen e lyen
pasqyrën e thyer të ambientit
në pritje të ankthshme
stivojmë mungesë
dridhjesh, shkundjesh, rëniesh, ngritjesh
dhe pyesim
kur do të ketë
tërmet
ajo është ORA
yll nga trëndafili
flutur krahëmollësh
simfoni perëndish
si një puhi vere
loçkë…!
ajo është ORA
ylberinë ngjyrash
pikturë e gravuar
si një copëz hëne
tatuazh në sy
floçkë…!
ajo është ORA
me flokët kometë
sy amazone
si një zanë epike
si stuhi diellore
furi…!
