Rini
T’u ka mpakur zëri
T’u ka mpakur fjala
Po të shuhet zjarri
Po të harrohet kënga
Të shkrepnin sytë
Këndonit rini
Shkëndijë vetëtimë
Ndritnin malet
Ç’pate t’i rini
Çfarë u bë kënga
Nxirrrje bubullimë
Kur të digjte në gji
T’u ka mpakur zëri
T’u ka mpakur fjala
Po të shuhet zjarri
Po të harrohet kënga
MORE BIR!
Të shkruhet aq sa dihet
të mësohet aq sa nuk dihet
përse të nxitohet
koha e ikur nuk mund të vijë
nëse të ka humbur
nuk mund të zihet
për të ka mallë gjithkush
dashuri aq sa nuk thuhet
në çdo sekondë ajo është me ty
duhet të lexohet me mendje e sy
por sado që të kopjohet
nuk të krijohet hija more bir!
KUJDESU PËR TË BARESHA IME!
Nëse një ditë…
Të bie udha andej nga qafë mali
Ka një muranë rrethuar me gurë
Ferrat po e mbulojnë në gjemba
Ndalu
Lexoi lutjet që ka shkruar për ty
Ai i donte shumë lulet me emrin që dashuroi
Në çdo perëndim të diellit fliste me to
Derisa perëndoi edhe vet me mallin në sy
Kujdesu për të baresha ime
Vetëm ajo shenjë i ka mbetur.
