LUMI IBRIT
Në faqen e librit
Gjeta lumin e Ibrit
Mes qytetit kalon
Dy brigjet i lëmon
Ndan në dysh emra
Shqipen me dy krena
Andej shpesh fryn era
Seç rrëzohet lulevera
Këndej malli gufon
Syri shpesh loton
Në librin e historisë
Gjeta faqen e lavdisë
Baca Isë tek luftonte
Fitoret i numëronte
Lumi kalon valë-valë
Herë plasë si stërkalë
Fëmijët shpesh gëzohen
Lozin e lumturohen
Aty i lagu faqet historia
Lumit s’iu fsheh bukuria
MBRETËRESHA E NATËS
Sa e dua hënën
Kur ajo shndërritë,
Pyjeve e maleve
Nga lart u bën dritë.
Ky fanar i qiellit
Dot nuk harxhohet,
Zemra e çdo fëmie
Kur ta sheh gëzohet.
Ditën ajo pushon
Zgjohet dielli,
E largon të zezën re
Gëzohet qielli.
Prapë në mbrëmje
Kur na thërret gjumi,
Terrin e natës
Seç e merr lumi.
Buzëqeshë nga lart
Në mes të yjeve,
Duket se është ngjitur
Lartësisë së pyjeve.
Nëpër dritare
Dritën e përbiron,
Fëmijët para gjumit
Pa mas i gëzon.
Ndryshon formë
Por nuk harxhohet,
Ëndrave miturake
Ajo u bashkohet.
Ka ngjyrë të arit
E ngjyrë dashurie,
Si një nuse e natës
Simbol bukurie.
Sa bukur e bën
Ajo punën e vet,
Sikur gjatë ditës
Dielli mbret.
Me shumë gëzim
Fëmijët e vizatojnë,
Mbretëreshën e natës
Shpesh e ëndërrojnë.
SHPRESA VDES E FUNDIT
Shtrirë në atë gjumore
Beni shihte ëndërr,
Një shpatë të mprehtë
E kërkonte në zgjëndërr.
Thotë: s’di ku më mbeti
Ajo shpatë e vogël,
T’i dalë ballë armikut
Se duket sa një gogël.
Një sirenë e fortë
Ngado u dëgjua,
Për një mobilizim
Gjithkund u kërkua.
Të dalin të gjithë
Në arenë luftimi,
Për fitore të reja
Seç zotohet trimi.
Më pas të gëzuar
Ta presim lirinë,
Si një nuse Lugine
Që shfaqë dashurinë.
Lart në atë kodër
Ende ka gurë e sinore,
Si lënë motër e vëlla
Të kapen dorë për dore.
Që të dy ta lozin
Vallen e gëzimit,
Me këngë në gojë
T’i këndojnë bashkimit.
Nuk ndalen së kërkuari
Qoftë një trohë liri,
Ëndërrojnë kohën
Për një ardhmëri.
Shpresa vdes e fundit
Njëjtë sikur gëzimi,
Në faqen tjetër të librit
Do të mbyllet zhgënjimi.
Doli nga barku i qiellit
E bukura kaltërsi,
Sikur ngjyrë e liqenit
Që ngjallë bukuri.
Më pas rrezet e diellit
Me pëllumbat në lartësi,
Si në përralla të vjetra
Na sollën pak liri.
