Yjet dhe Hëna
Shpirti im
makinë ëndrrash
stacionuar resh
e paplotë
pa dritë
Udhë s’ka
e udhë nis
diku
mes dashurish
Mijëra yje ndjek
kacavjerrë në terr
ku Hëna pret
e pret
të çmendem
bashkë me të
Të bëjmë mrekullinë
më zhvesh pa turp
i jepem ta puth
ajri është i yni
qiellin kemi shtrat
pak dritë në shpirt
zemrën të hap
Çmenden yjet
tek na shohin unshëm
xhelozojnë
tek i tradhëtojmë
turpshëm
Ato shndrisin fort
gati të lotojnë
xhelozinë
të padisin epshin tonë
reve
Unë veç ngazëllehem
i dua tek më shohin
vëngër të më përpijnë
tek i jepem Hënës
gjer kur zbardh agim
Nata është
rrejshëm
Mëkatare bëhem
dashuroj dhe yjet
pa bërë dashuri
tek më falin dritë
xhelozinë magji
Po çmendem netësh
mes yjesh dhe Hënës
ahhh
ky shpirt i marrë
s’po di më ku nis
e as ku betiset
V.Kolaveri
