Sunday, October 2, 2022
BallinaVitrina e libritMeri Bo-Vetëm për ty !

Meri Bo-Vetëm për ty !

Vetëm për ty !

Ditët janë krijuar
për të të thënë
se liria e shkruar në papiruse zhubroset,
nëse bie në duar të pabesësh.


Çdo ngjarje ndodh, që ti të ndihesh
Shirat bien,


për të hetuar kodet e tyre të komunikimit me qiellin,
që në momentin, që shkëmbyem vështrimet.


Gëzimi ynë u bë zemër dhe hëna një varkë
që përgatitet të udhëtojë, nëpër ishuj koralore!


Ne, nuk na intereson asgjë që ka ndodhur larg nesh
por mbesim robër të shikimit të parë
Kishim lindur për njeri tjetrin
dhe kodet gjenetike i kishim njësoj.


Na mungonte rrjedhshmëria e fjalëve
dhe ishim kaq te pafajshëm ndaj dritës,
por këto mungesa,
ishin kaq prozaike, para dashurisë sonë.


Edhe yjet, janë vëllezër prej zjarresh
por vuajnë nga mungesa e thjeshtësisë,
ndaj janë kaq të pamëshirshëm me njeri tjetrin.


Ne e dimë se tashmë, ka ardhur koha që të puthemi dhe të çudisim vetveten
Ata që s’dinë t’iu dorëzohen zjarreve,
dëbohen nga orbita.


Pulset e njëjta të viteve plot ëndrra
i djegin kundërshtitë !

TË NGJASHME

Komento

Shkruani komentin
Shkruani emrin

TË FUNDIT