METAMORFOZË
Ndodh një gjë fare e vogël
Dhe ti fillon e ndryshon,
Kështu nga larva del një flutur
Dhe plot ngjyra nis e fluturon.
Dhe në jetën tonë, veç një person
I jep shkëndijën eshkës së etur,
Tymi i bardhë parathotë zjarrin
Që bukur do digjet në jetën e mbetur.
Mos prisni asnjë prezantim,
Zemrat njëra-tjetrës i trokasin vetë…
Është shpirti ai që i mbush me frymë
E balona e lumturisë ngrihet mbi retë!
