Thursday, April 18, 2024
BallinaVitrina e libritSylejman Qyqalla -TË DUA,SHQIPËRI

Sylejman Qyqalla -TË DUA,SHQIPËRI

TË DUA,SHQIPËRI

Në të gjitha gjuhët të dua,Shqipëri,
Për kandil,të marr me vete kudo shkoj.
Siamezë u lindëm e u rritëm unë e ti…
Veç me uratën tënde sofrën shtroj.


Të dua në të gjitha gjuhët,imja nënë
Në daç të më thonë “albanac” e “arnaut”.
Veç me gjakun tënd në deje jam zënë…
“Arvanitas”-Sotiri-“Albaner”një Helmut.


Të dua,Shqipëri- në të gjitha stinët,të dua,
Me “Albane” ,”Albaneze”-e gdhendur në gur.
“Albanska” ime-gjithnjë me shkronjën “A”,
Alpinja ime qiellore-me më të bukurin flamur!


Të dua,perëndesha ime,o Diell dhe imja Hënë,
Unë biri yt,në prehrin tënd qesha e piva sisë!
Tërë botën shëtita,po veç ty,moj, të kam nënë…
Ti më mësove këngën e gjuhën e perëndisë!
Të dua,Shqipëri…pa ndrojtje e me guxim,
o lokja ime e gjuhës dhe e gjakut tim!

TË NGJASHME

Komento

Shkruani komentin
Shkruani emrin

TË FUNDIT