Kombëtarja e Shqipërisë më 15 qershor do ta zhvillojë ndeshjen e parë kundër Italisë, në “Signal Iduna Park” të Dortmundit, në kuadër të Kampionatit Evropian “EURO 2024”.
Faqja e njohur “Transfermarkt” i ka publikuar të dhënat lidhur me “kuqezinjtë”.
Po ashtu është bërë e ditur edhe vlera e futbollistëve.
Shqipëria ka një vlerë prej 111.60 milionë eurosh.
Futbollisti më i shtrenjtë është Armando Broja, me 22 milionë euro.
I dyti pas tij renditet Kristian Asllani, me 18 milionë euro, Ernest Muçi, me 13 milionë euro.
Në mesin e futbollistëve më të shtrenjtë është edhe kapiteni, Berat Gjimshiti, me 10 milionë euro.
Skuadra e Sylvinhos, gjendet në grupin B, me kundërshtarë tejet të fortë si: Italia, Spanja dhe Kroacia.
