Sulmuesi i Real Sociedadit, Takefusa Kubo, ka ndarë mendimet e tij për sulmin e Real Madridit këtë sezon.
Ai ka thënë se sulmi i Los Blancos nuk ka efekt, pasi Kylian Mbappe, Viniciur Junior dhe Rodrygo luajnë në të njëjtin pozicion.
“Është ajo që po e shohim të gjithë, në fund mendoj se të tre në front luajnë në të njëjtin pozicion dhe kjo do të thotë se ndoshta nuk po japin versionin e tyre më të mirë, por pasi nuk është skuadra jonë, ne përpiqemi të shqetësohemi për problemet tona”, deklaroi ish-lojtari i bardhezinjve për Marca.
Është thënë shumë për Madridin që ka tre sulmues të djathtë si Mbappe, Vinicius dhe Rodrygo në vijën e parë.
Në veçanti, Mbappe është përdorur si qendërsulmues – por Kubo beson se francezi është në maksimumin e tij kur luan në krah.
“Ne vuajmë shumë më shumë me të (Mbappen) në krah sesa si qendërsulmues, për momentin në La Liga mendoj se e njëjta gjë po ndodh dhe shpresoj se gjërat nuk do të funksionojnë për të nesër kundër nesh”, ka shtuar japonezi.
“Gjëja më e mirë për ne është se ai nuk luan në krah, sepse atje e shoh si pothuajse të pandalshëm”, vazhdoi ai.
