Ikën zogjtë e tu moj shqipe !
E shumë larg të fluturuan
Mbete e vetme si një qyqe
Fole të re ata ndërtuan !
Porositi ti nanloke
Kudo janë këta bijtë e tu
Dhe në qofshi n’fund t’kësaj bote
Nana shqipe ju pret këtu !
Unë ua mësova bijtë e mi !
Të flisni bukur gjuhën time
Një merak e kam në gji !
T’ua mësoni dhe ju fëmijëve !
Kur t’më vini nipa e mbesa
Në folenë tuaj të vjetër
E t’më thoni “tungjatjeta “
Nana shqipe nuk don tjetër !
Dhe pse larg në dhe të huaj
Një merak po ua çoj n’letër
Mos harroni gjuhën tuaj
E ju pret nana n’fole t’vjetër !
