SOT NË DITËLINDJEN TËNDE ERNA
– Një lule zambaku këputa nga zemra ime të derdhur stinëve të këtyre pesë ditëlindjeve tuaja që na ke mungue!
A s’më pysni mua sot
Se zemra ime a po me rrah fort
Ndjenjat a më janë trazuar
Akujt e shpirtit a më janë ngri
Për atë Engjëllin që pushon e qetë
Në tokë të Kosovës nën dheun e zi
Ah, kjo data 18-të porsi plumb
Në zemër ç’me godet
Si qiriu i Naimit shpirtin tim
Ngadalë po e tretë
Sot të lutem më eja Erna
Natë e ditë unë po të pres
Rri me Hënën duke biseduar
Hijen tënde për ta takuar
Po të pres me sytë e pa gjumë
Me sy të etur plot me lot
Sa do të doja të përqafoja
Ditëlindjen ta uroj sot
Unë e ndjej se shpirti yt
Do më vjen me heshtjen e yjeve të etur
Do vjen ditëlindjn për ta kremtue
E fshehurazi futet në shpirtin tim
Dhe aty strukët duke me përqafue
Po Ti më vjen
Unë e dëgjoj fëshfërimën
Të hijes tënde engjëllore që vjen
Së bashku me zhurmën e erës së Rugovës
Ti më vjen bashkë me flladin
E lëndinës tënde
E unë një lule zambaku këputa
Nga zemra ime
Të derdhur stinëve të këtyre
Pesë ditëlindjeve tuaja që na ke mungue
Si dhuratë Ty Erna për ta dhurue
Po, po, Ti sot më vjen
Por ,prapë më ikën shpejt
Bashkë me dëshirat
Dhe shpresat e shuara
Ikën në rrugën e po kthim
Si pulëbardh duke fluturue
Në lëndinën tënde zbret për të pushuar
Aty ku shpirti yt dritëzon
Në paqën e përjetësisë
Se Ti Erna në këtë botë
Ishe drita e mirësisë
E në botën e përjetëshme
Je bija e Perëndisë
Unë e mbështes kokën në foton tënde
Rebesh shiu përplaset aty
Mbi ftyrën tënde e bukura e mamit
Ah, si me ngjan në Hyjni
E me lot zemre çdo ditë jam në këtë jetë
Se rrugëtimi i kësaj pis bote
Rrjedhëka ashtu siç do vetë.
