Sot, më 7 mars 2025, në fshatin Tërpezë e Ulët të komunës së Malishevës, një ngjarje e rëndësishme shënoi një moment të veçantë për arsimin dhe kujtimin historik të popullit të Kosovës. Zbulimi i pllakës përkujtimore për mësuesin martir Jashar Sherif Krasniqi dhe përurimi i sheshit që do të mbajë emrin e tij është një testament për sakrificat e panumërta të njerëzve të thjeshtë, të cilët përmes dijes dhe dashurisë për atdheun, kontribuuan në ndërtimin e një shoqërie të drejtë dhe të edukuar.
Në këtë ngjarje solemne, e cila u zhvillua në vigjilje të Epopesë së UÇK-së dhe Ditës së Mësuesit, morën pjesë shumë qytetarë, nxënës, mësues, përfaqësues të institucioneve lokale dhe komunale, si dhe veteranë të Ushtrisë Çlirimtare të Kosovës (UÇK). Të pranishmit nderuan figurën e jashtëzakonshme të Jashar Sherif Krasniqit, mësues dhe atdhetar, që dha jetën për lirinë dhe arsimin e Kosovës, dhe zbuluan një monument që do të kujtojë kontributin e tij dhe të të gjithëve atyre që sakrifikuan për çlirimin e vendit.
Ky ngjarje ishte një shprehje e mirënjohjes dhe e nderimit për ata që dhanë gjithçka për të ruajtur identitetin dhe dinjitetin e kombit, dhe gjithashtu një mundësi për të vlerësuar ndikimin e mësuesve, që janë shtyllat e zhvillimit të një shoqërie të qytetëruar.
Në këtë kuadër, fjalimi i Prof. Qazim Berishës, Kryetarit të Komunës së Malishevës, z. Ekrem Kastratit, i drejtoreshës së DKA të Malishevës, Arbëreshë Krasniqi, kujtimet e ish-shokut të studimeve, z. Ramadan Ramadani, letra e lexuar e ish-nxënësit të mësuesit Jashar, Qazim Thaçi (me aftësi të posaçme) dhe i të tjerëve përbën një moment kulmor të ngjarjes. Fjalët e tyre shpalosën një pasqyrë të qartë të rëndësisë që ka arsimi për përparimin e kombit, dhe gjithashtu kujtimin e atyre që dhanë jetën për të ardhmen e brezave që do të pasojnë, siç ishte mësuesi martir Jashar Sherif Krasniqi. Më poshtë po sjellim një pjesë nga fjalimi i prof. Berishës:
Fjalimi i Prof. Qazim Berishës
“Të nderuar përfaqësues të institucioneve arsimore, kulturore dhe udhëheqëse të fshatit Tërpezë dhe të komunës së Malishevës, të nderuar përfaqësues të familjeve të dëshmorëve, dhe në veçanti ju përfaqësues të familjes së mësuesit Jashar Krasniqi, ju përshëndes nga zemra në këtë ditë të veçantë për mbarë kombin tonë.
Ju falënderoj që jeni sot këtu për të nderuar kujtimin dhe pasurimin e historisë së fshatit tuaj, qytetit tuaj dhe të atdheut tonë. Pjesëmarrja juaj është një dëshmi e vlerës që i japim atdhetarizmit, sakrificës dhe edukatës, përmes së cilës mund të ngrihen breza të rinj që do të ecin me krenari në rrugën e dijeve dhe drejtësisë.
Përshëndetje të ngrohta dhe mirëseardhje për të gjithë!
Të nderuar qytetarë të fshatit Tërpezë, të dashur nxënës, mësues dhe arsimtarë, bashkëfshatarë, dhe të pranishëm të nderuar,
Sot, në këtë ditë të shënuar të 7 Marsit, Dita e Mësuesit, ne e nderojmë një figurë të shquar të arsimit dhe atdhetarizmit të fshatit Tërpezë e Ulët dhe të Malishevës më gjerë, të cilin e njohim me emrin Jashar Sherif Krasniqi. Kjo pllakë çpërkujtimore dhe ky shesh, që tani do të mbajë emrin e tij, është një simbol i përkushtimit të tij dhe të gjithë atyre që kontribuuan për arsimin dhe edukimin e brezave të rinj, veçanërisht gjatë periudhës më të vështirë për popullin tonë – Luftës së Kosovës (1997-1999).
Në këtë ditë, ne kujtojmë të gjithë ata që dhanë jetën për liri dhe përparim, dhe që gjithashtu ishin mësues dhe edukatorë të palodhur të brezave të rinj. Ata dhanë një kontribut të madh në ruajtjen dhe zhvillimin e arsimit në këtë trevë dhe gjetkë, që me përkushtimin e tyre, u bënë shembull i patundur i guximit dhe sakrificës.
Në këtë kontekst, është e domosdoshme të përmendim jo vetëm Jashar Sherif Krasniqin, por edhe bijën e tij, ÇLIRIMTAREN-Shqipe Krasniqi, e cila, si mësimdhënëse dhe kolege e babait të saj, ka kontribuar po ashtu në arsimimin dhe edukimin e brezave të rinj. Shqipe Krasniqi është një figurë e nderuar, jo vetëm për përkushtimin e saj në arsim, por edhe për rolin e saj si ushtare e Ushtrisë Çlirimtare të Kosovës, ku u shqua për guximin dhe sakrificën që tregoi për lirinë e vendit tonë.
Ky shesh është një simbol i asaj që ata lanë pas, por edhe një frymëzim për të rinjtë tanë që të vazhdojnë këtë rrugë të nderuar të arsimit. Ndaj, sot, e nderojmë jo vetëm mësuesin Jashar Sherif Krasniqi, por të gjithë ata që dhanë jetën për arsimin, lirinë dhe përparimin e Kosovës. Po ashtu, ne e nderojmë veprën e bijës së tij, Shqipe Krasniqi, mësimdhënëse dhe ushtare, që vazhdoi me krenari dhe sakrificë atë që baba i saj nisi.
Kjo ngjarje nuk është thjesht një përkujdesje ndaj një individi, por një kujtim i pavdekshëm për të gjithë ata që dhanë jetën për arsimin, për lirinë dhe për ndriçimin e Kosovës. Zbulimi i pllakës përkujtimore dhe emërtimi i sheshit në nder të Jashar Sherif Krasniqit është një akt i rëndësishëm i ruajtjes së historisë, vlerave dhe trashëgimisë kombëtare. Ky është një moment që na nxit të kujtojmë sakrificat e mësuesve dhe atdhetarëve të shquar, dhe të nderojmë gjithashtu kontributin e brezave të rinj që do të vazhdojnë misionin e tyre për një të ardhme më të ndritur.
Mësuesit si Jashar Sherif Krasniqi, dhe ata që e pasuan, janë ata që e ndriçuan rrugën e dijes dhe lirisë, dhe që do të mbeten gjithmonë të nderuar në kujtesën kolektive të kombit tonë. Takimin e përmbylli zonja Shqipe Krasniqi, e bija dhe ish-kolegia e Jashar Sherif Krasniqit, që me fjalimin e saj dhuroi emocione të fuqishme, teksa po shpaloste dromca nga jeta e babait të saj, përshkrimin e aktit makabër që forcat serbe kryen në prag të shtëpuisë së tij, pastaj odisejadën e tërheqjes e të varrosjes së babait etj, etj, fjalim që shumë pjesëmarrësve u shkaktoi derdhje lotësh… Le të kujtojmë se sakrifica e dëshmorëve dhe e martirëve nuk ka shkuar kot. Ata janë frymëzim i përhershëm për brezat që vijnë, dhe do të mbeten gjithmonë të nderuar në kujtesën tonë kolektive.
Faleminderit dhe nderim të përjetshëm për të gjithë ata që dhanë jetën për arsimin, për lirinë, dhe për ndriçimin e Kosovës!
Qytetarët e fshatit Tërpezë e Ulët e gëzofshin Sheshin “Jashar Sherif Krasniqi”
