Përfshihem,
Në vorbulla të rrëmbyera
Mendimesh,
Ditësh e netësh rrokopujë
Nën qiej të ngrysur
Të mendjes,
Që vetëtijnë pareshtur
Agonitë
Zogj fluturakë
Të shpirtit,
Më enden fluturimesh
Krahëthyer,
Ujvarave të zemrës
Të gjejnë
Shtegëtime të reja ,
Ndjenjash,
Lirie të munguar
Larg,
Shkretëtirash
Tē djegura,
Nga pasione çastesh
Pluhrosur shpirtit,
Nga dështime
Të çala kohësh,
E njerëzish të dalë boje
Shkapërcimesh eci
Te ngre veten lart,
Nën dallgë ëndrrash
Të bardha shkumëzimesh
Përqafoj e dlirë
Krahapur dritën,
Të ndihem e plotë
Gjysmave të mija.
