Bayern Munich do të luajë këtë të martë në transfertë përballë Leverkusen sfidën e kthimit të 1/16-ave të Champions League. Në ndeshjen e parë, bavarezët triumfuan 3-0 duke shkuar në këtë transfertë paksa më të qetë.
Ndërkohë pak minuta më parë, klubi i Bayern Munich ka publikuar edhe listën e lojtarëve për këtë sfidë tepër të rëndësishme. Në listë janë plot 23 lojtarë, teksa ka rikthime, por edhe mungesa.
Për sa i përket rikthimeve, janë dy portierët Sven Ulreich dhe Daniel Peretz. Njëri prej tyre pritet të jetë titullar në sfidën e nesërme për shkak të mungesës së Manuel Neuer.
Ndërkohë që mungesë jo pak e rëndësishme është ajo e Aleksandar Pavlovic në mesfushë. Futbollisti gjerman po kalon një gjendje të rënduar gripale dhe siç duket nuk është ende i gatshëm për të kontribuar në ekipin bavarez.
Kujtojmë që sfida që do të zhvillohet në “Bay Arena”, nis në orën 21:00./Newsport.al./
