Nuk di ç’kam sot, shpirt trazuar,
Në ditën tënde vargje nuk gjej,
Mendimet i kam si ferrë ngatërruar,
Edhe pse dashurinë thellë t’a ndjej.
Me ty jam pranë, orëve të vona,
Kur njerëzia kokën mbi jastëk mbështet,
Veç me ty i them ca fjalë të pa thëna,
Veç me ty më rrëshket ndonjë sekret
.
Ti më përkëdhel ndjenjat nëpër rreshta,
Apo dora ime të skalit çdo ditë,
Para teje e gjunjëzuar unë heshta,
Shpirtit tim në errësirë i bëre dritë.
Mike të pa ndara, besnike deri në fund,
Nëse ti nuk vjen, nga gjumi do të shkund.
