Sulmuesi Ferran Torres ishte heroi i Barcelonës në fitoren ndaj Atletico Madridit të mërkurën mbrëma.
Sulmuesi spanjoll realizoi golin e vetëm të ndeshjes, duke i siguruar Barçës një fitore 1-0 në gjysmëfinalen e dytë të Kupës së Mbretit dhe duke e dërguar skuadrën e tij në finalen e madhe të kësaj garë.
“Ishte një betejë e vërtetë, sepse në lojë ishte një finale. Bëmë gjithçka për të fituar dhe ia dolëm. Goli im? Është rezultat i këmbënguljes, punës dhe besimit”, ka thënë Torres.
Barcelona në finale do të përballet me rivalin e përjetshëm, Real Madridin.
Sipas Torres, në finale nuk ka favorit, por sipas tij, Barcelona do të jep më të mirën në duel me madrilenët.
“Në një finale nuk ka favoritë. Është një ndeshje e vetme, do të japim gjithçka dhe me mbështetjen e tifozëve tanë, jemi të sigurt se mund të fitojmë”.
“Nuk ndodh çdo ditë të arrish në finale, por tani duhet të fokusohemi në rikuperim. Të luash në një finale është gjithmonë diçka speciale, por ta bësh kundër Real Madridit do të jetë jashtëzakonisht emocionuese”, ka theksuar Torres./Rtk.live/
