DRITA IME
Mu tërbua shpirti
buaj të tërbuar
më vërshuan befas
Mu zvarrit zemra
zvarranikë me ngjyra
më harbuan sytë
Më pëlciti koka
tamafqarët rreth e rrotull
nuk po ngopen dot
Po më zeherohet goja
më dhanë helm gjith ditën
gjarpërinjtë me zile
Po më mbyllen sytë
nuk po shoh
kam frikë
po më fikin dritën
Ethet më kapluan
trupi po më ftohet
miza po më vlojnë trutë
Duan të më mbysin
Shtriganët duan festë
Do t’ju ndez një zjarr të madh
drita ime larg ti zhbjerrë