Një fëmijë 4 vjeçar nga Kosova është shpëtuar të hënën në një plazh në Ulqin pasi era e fortë largoi nga bregu dyshekun e ujit në të cilin po qëndronte. Pavarësisht se pushuesit u munduan ta shpëtojnë, erërat e forta e larguan vogëlushin rreth tre kilometra drejt ishullit Ada Bojana.
Roja i plazhit i erdhi në ndihmë vogëlushit duke përdorur një mjet lundrues. “Për fat të mirë prindër, djali u shpëtua në momentet e fundit, sepse ekzistonte rreziku që deti i trazuar të përmbyste dyshekun dhe pyetja është nëse shpëtuesit kanë pasur kohë të reagojnë në kohë”, thanë autoritetet./abcnews.al
