Trajneri i Real Madrid, Xabi Alonso, ka kërkuar që ekipi të rikthehet në fitore dhe të shmangë gabimet e së kaluarës.
Real Madrid do të përballet me Villarreal në La Liga këtë fundjavë, pas humbjes 5-2 ndaj Atletico Madrid në derbin e fundit.
Real Madrid momentalisht ndjek Barcelonën në krye të tabelës dhe ndeshja kundër Villarreal është një provë e madhe për forcën e ekipit.
“Nuk duhet të ekzagjerosh me fitoret, por as të zhgënjehesh tepër nga humbjet. Kjo ndodh në çdo klub. Nuk e harrojmë (humbjen nga Atletico v.j.), por nuk mbesim aty”, ka thënë tekniku spanjoll. /Rtk./
