Dje, qyteti i Obiliqit u bë nikoqir i një ngjarjeje madhështore kulturore, duke shënuar edicionin e 10-të të manifestimit “Vjeshta Poetike në Obiliq – 100 Mijë Poetë për Ndryshim”. Salla e Kuvendit Komunal u mbush me vargje, emocione dhe krijues që erdhën nga të gjitha trevat shqiptare për të kremtuar fuqinë e fjalës së shkruar.
“Duaja e Nënës” – Një gur i rëndë në kalanë e autores Ferdane Pllana-Zabergja
Gjatë këtij takimi jubilar, autorja Ferdane Pllana-Zabergja prezantoi para publikut dhe kolegëve librin e saj të pestë, “Duaja e Nënës”. Me një përgatitje profesionale nga Zymer Mehani (redaktor dhe lektor) dhe Fadil H. Curri (recensent), ky libër vjen si një dëshmi e pjekurisë artistike të autores. Zonja Pllana-Zabergja falënderoi përzemërsisht pjesëmarrësit, duke veçuar mbështetjen e palëkundur të bashkëshortit të saj, Shefki Zabergja
.
Bashkëshortësia e vargjeve: 58 krijues në një antologji
Ky edicion u pasurua nga zërat unikë të 58 poetëve, vargjet e të cilëve u përfshinë në antologjinë “Vjeshta Poetike në Obiliq”, botim i cili doli dje nga shtypi. Ndër emrat që i dhanë jetë këtij aktiviteti ishin:
Syhejl Havolli, Lejla Sh. Dragusha, Mexhid Havolli, Ismet Krasniqi Lala, Merita Abazi, Mejrem Kajolli-Tusha, Ymrije Beqiri, Bilall M. Maliqi, Idriz Berisha-Xhixhi, Behram Hoti, Drita Kosumi-Syla, Xhemajl Hajdini, Jahe Fida, Mirvete Kabashi-Leku, Imer Gllareva, Bekim Kelmendi, Shaban Pllana, Halil Preniqi, Hyrë H. Fazlia, Sadri Jakupi, Izet Shala, Zymer H. Haliti, Fatmir Çitaku, Minire Rukovci-Hyseni dhe Ibadete S. Livareka.
Mesazhet e paqes dhe vlerat estetike u lartësuan edhe nga prania e krijuesve:
Bahrije Qerimi-Spanca, Naxhije Doçi, Dodona Qose, Vehbi Ibrahim-Xhigoli, Shpresa Paloja, Agim Desku, Miranda Troci, Rabije Bytyqi, Sahit Ymeri, Shepresa Gashi-Zurnaci, Vullnet Sadiku, Namik Selmani, Tahir Seferi, Flori Bruqi, Izet Abdyli, Xhem Kadri-Kastrati, Shqiponja Dodaj, Besnik Haskuka, Abdullah Troshupa, Fazli Ferati, Qamil Hoxha, Xhemile Aliu, Rudi Berisha, Murat Gashi, Anxhela Q. Hoxha, Isa Baftia, Elsa Meha, Neki Lulaj, Shaip Bllaca, Kujtim Stana, Sadbere Gagica dhe Nazmie Xhaferi-Hasani.
Një dekadë për paqe dhe dashuri
Organizimi, i cili u realizua nën patronatin e Kryetarit të Komunës, z. Halil Thaçi, dhe në bashkëpunim me krijuesin Fadil H. Curri, kulmoi me ndarjen e mirënjohjeve për poetët e edicionit të 9-të. Një falënderim i veçantë iu nda poetes Shpresa Thaçi Paloja për kontributin e saj të çmuar në realizimin e këtij botimi me 108 faqe.
Ky edicion i 10-të konfirmoi se Obiliqi, përveç energjisë, prodhon edhe kulturë e shpirtëri, duke u dhënë rrugëtim të mbarë librave të rinj dhe misionit të shenjtë të poezisë.
