Wednesday, September 28, 2022
BallinaLajmeGjithqka çka dihet deri më tani nga sulmi që tronditi vendin të...

Gjithqka çka dihet deri më tani nga sulmi që tronditi vendin të premtën mbrëma…

Natën e së djeshmes ,tre persona janë vrarë nga të shtënat me armë zjarri në drejtim të një autobusi në afërsi të fshatit Gllogjan të Komunës së Deçanit.

Zëvendëskomandanti i Policisë së Kosovës në rajonin e Pejës, Veton Elshani, ka thënë se policia, tash për tash, nuk ka arsye për të besuar se ngjarja në Deçan është akt terrorist.

Sipas tij, policia ka arsye për të besuar se “sulmin e ka kryer një person i vetëm”.

Zëdhënësi i Spitalit Rajonal të Pejës, Naim Sahiti, ka konfirmuar se një person i plagosur në incident ndodhet në këtë spital dhe se gjendja e tij është stabile.

Në vend të ngjarjes, përveç policisë, ka dalë edhe Prokuroria Speciale e Kosovës.

Në mesin e viktimave janë dy nxënës shkolle dhe shoferi i autobusit.

Zyra e Kryeprokurorit të Shtetit ka bërë thirrje që kushdo që ka informata për ngjarjen, të bashkëpunojë me autoritetet, në mënyrë që kryesi i veprës të dalë sa më shpejt para drejtësisë.

Autobusi ka qenë duke qarkulluar në relacionin Gjakovë – Deçan, në kohën kur kanë ndodhur të shtënat.

Nuk është ende e qartë nëse autobusi ka qenë cak i të shtënave .

Zëvendësdrejtori i Policisë Rajonale të Pejës, Veton Elshani, ka deklaruar se në vendin e krimit ka dalë K9 (njësiti me qen) të cilët po bëjnë përpjekje për të rënë në gjurmë të të dyshuarit.

TË NGJASHME

Komento

Shkruani komentin
Shkruani emrin

TË FUNDIT