Thursday, March 28, 2024
BallinaVitrina e libritÇaste poetike me poeten Ymrije Beqiri

Çaste poetike me poeten Ymrije Beqiri

VAZO E VJETËR

Seç m’u thye vazo e vjetër

Nga balta e vendlindjes

Gjyshi ma punoi…

Merre,bija ime vazon e vjetër

Me dheun e vendlindjes

Ngado që shkon

Kjo mban aromë toke

Të vendlindjes sate

Çdoherë kur ke mall

Mbaje në dorën tënde…

Baltën e tokës sate

Kujtoje me mall

Merre,bija ime vazon

Se do të ta kujtojë

Përherë vendlindjen e vlerë

Edhe kur të ketë dimër

E jo vetëm në verë…

Dije,bija ime

Se balta e vendit tënd

Është e ëmbël si sheqer

Mos e lakmo,bijë

Kurrë tokën e huaj

Kthehu ne vendlindje

Të varri i të parëve tu

Aty të lëndina

Ku janë duke pushu!

…………………………..

DUAM DRITË

Errësirë në këtë natë

Hëna dembele sonte

Nuk na dhuron dritë

S’ e di pse kjo heshtje

Mbretëron në tërë qytetin tim

Rrebeshet e shiut na u kthyen prapshtë

Retë e mbulojnë qiellin

Pse jemi edhe nga ai kaq të urryer

Pse pranojmë ligje të ftohta

Nga mallkimet e kohës

Për të gjithë njerëzit

Në pamundësi për të jetuar

Trandur nga koha e shkuar dhe e tashmja

E s’e di si do t’vijë

e ardhmja

Që po ngadalësohet

në tokën tonë

Pamëshirshëm një lot krokodili

Çdo ditë thua se qan e vajton

për këtë popull…

Një jetë mashtruese me plot mashtrues !

……………………………………………….

NË KOHË PA KOHË

Në këtë botë aktrimi

Fillova dhe unë të aktroj

jo pse di të luajë

Po kështu jeta e kërkoj

Dhe mua më kërkuan të hy në loj

Disa aktrojnë mirë e disa keç

Mua mu ngatërrua roli

Si për dreç

Po prapë nuk u dorëzova

Të aktroj në stilin tim

Ia dola disi te luaj

Me një të vetmin qëllim

Që jetës t’i marr aq sa më jep

Të mos i mbetëm borxh

Askush e askuj në këtë botë

Borxh mos ti mbes.

…………………………………………..

TË NGJASHME

Komento

Shkruani komentin
Shkruani emrin

TË FUNDIT